As jy enige van ons familie se yskaste oopmaak sal jy altyd een ding sien wat dieselfde is.  Daar is meer chili souse as wat daar enige ander kos is.  Ons is mal oor ons brand kos. Die mans meer as die vrouens, maar selfs hulle het al geleer om nie te veel te kla oor die kos te veel brand nie.

My Pa sê altyd,  as jy sweet terwyl jy eet, eet jy lekker.

Ek het op 'n stadium deur 'n buffalo wing fase gegaan.  Wou dit elke dag maak.  Maar nerens kon ek 'n lekker warm chili sous kry wat lekker saam die wings gegaan het nie.  Google na Hooters se wing resepte het my heeltyd na 'n sous gevat wat ons nie in Suid Afrika kan kry nie.  Frank's Hot Sauce.

Ek het toe maar besluit om dan maar my eie Frank's sous te maak.  Makliker kry mens nie.


Bestanddele:

+- 18 vars cayenne chili's.
1.5 koppies wit asyn.
2 teelepels crushed knoffel.
1 teelepel sout.
1 teelepel knoffel poeier.
















Metode:

Kap die chili's se punte af en gooi al die bestandele in 'n pot saam.

Verhit die pot tot dit begin kook.
Verlaag die temperatuur effens maar soveel dat die pot nogsteeds kook.
Laat die pot prut vir tussen 20 en 25 minute.
Verwyder die pot van die hitte en gooi alles in jou blender en puree dit tot dit als fyn gekap is.


Gooi die mengsel als terug in die pot en laat dit vir 'n verdere 15 minute prut.
gooi dit in 'n beker en laat dit afkoel.

Die sous is baie asynerig so ek stel voor jy maak dit buite op gas as jy kan, want die asyn reuk kan nogals mens se vrou omkrap.

Laat dit afkoel en geniet!