Hierdie sous was die eerste keer 'n eksperiment oor ek 'n groot klomp rissies persent gekry het en nie geweet het wat om met alles te maak nie!
Dit het toe baie lekker uitgekom en gelukkig is hierdie rissies redelik maklik bekombaar en hoef mens nie te wag vir 'n present om hierdie sous te maak nie.

Die hitte kan verander word deur pitte van die rissies te verwyder. Onthou, hoe meer pitte, hoe meer hitte!

Resep lewer ongeveer 350ml sous.

Bestanddele:

+- 20 African Bird's Eye rissies, gekap

2 t Chopped knoffel en gemmer

1/4 k vars gekapte pietersielie

1/2 k bruin druiwe asyn

1/2 k olyfolie

1/2 k water

Sap van een groot suurlemoen

Gerasperde skil van suurlemoen

25 ml sout

25 ml paprika

10 ml chilliepoeier

Metode:

Meng of skud al die bestandele in 'n glas houer of bakkie behoorlik saam sodat speserye opgelos is.

Voeg mengsel in 'n blender en maak goed fyn.

Gooi fyn mengsel in 'n pot en verhit tot dat dit kook.

Draai hitte na laag en laat kook verder vir ongeveer 10 na 15 min tot sous effens verdik.

Laat sous afkoel en bêre in glasbottel in die yskas.